گروپ کمپنی سیکرٹری اور جنرل منیجر لیگل
محترمہ سیدہ امیر بتول نے یونیورسٹی آف نیو ہیمپشائر، امریکہ سے LLM (ماسٹر آف لاء) کی ڈگری حاصل کی ہے۔ آپ امریکہ اور مشرق وسطیٰ میں مقامی کمپنیوں کے ساتھ قانون کے شعبے میں 20 سال سے زیادہ کا بہترین تجربہ رکھتی ہیں اور ساتھ ہی کمرشل لاء، بین الاقوامی قانون، برطانوی آئین اور، املاک دانش کے مضامین سے منسلک قانون کی پروفیسر کے طور پر پانچ سال سے زیادہ کا تجربہ بھی رکھتی ہیں۔
آپ نے 2015 ء میں PARCO میں شمولیت اختیار کی اور PARCO کے متعلقہ بورڈ آف ڈائریکٹرز کے ساتھ ساتھ اس کی ذیلی کمپنیوں PAPCO اور PPGL کے لیے کل وقتی بورڈ سیکرٹری کے طور پر کام کر رہی ہیں۔ آپ PARCO، اس کے ذیلی اداروں اور PARCO کوسٹل ریفائنری (PCRL) سمیت بڑے جاری منصوبوں سے متعلق تمام قانونی معاملات کی دیکھ بھال کر رہی ہیں۔ آپ بین الاقوامی لاء فرموں اور کمپنیوں کے ساتھ کام کرنے کا برسوں کا بھرپور تجربہ رکھتی ہیں جہاں آپ نے آج کے عالمی کاروباری چیلنجوں کی مسابقتی نوعیت کو سمجھنے کے لیے اپنی قانونی مہارتوں کو فروغ دیا ہے اور انہیں پروان چڑھایا ہے۔
